Тулкин Киличев өзбек боксшыларын шыбықпен сабап жаттықтырып жүр (ВИДЕО)
Өзбек боксшылары таулы аймақта оқу-жаттығу жиындарын өткізіп жатыр
Бокстан Өзбекстан құрамасының бас бапкері Тулкин Киличев ұлттық құрама боксшыларын жігерлендіру үшін ерекше тәсіл қолданып жүр. Атап айтқанда, білікті маман жалқауланған спортшыларды шыбықпен сабайды екен.
Оқу-жаттығу жиынынан түсірілген видеороликті Киличев өзінің Instagram-парақшасында бөліскен. Видеодан аса ауыр салмақта Олимпиада ойындарының екі дүркін чемпионы Баходир Жалоловтың көбірек «таяқ жегенін» байқауға болады.
«Сендерге ең зор мотивация осы. Қойыңды еске ал, атыңды еске ал, малыңды еске ал, бірақ бәрібір осы шыбық зор мотивация», - дейді Тулкин Киличев боксшыларды ұрып жатып.
Айта кетейік, бокстан Өзбекстан құрамасы былтыр Париж Олимпиадасында 5 алтын медаль жеңіп, тарихи рекорд орнатты.