Боранбаев шақырса да Қазақстанға бармаймын, ол жақта жағдай қиын – Артем Дзюба
Бұған дейін инсайдерлер Ресей футболының ардагері Алматыға қоныс аударады деген ақпарат таратқан болатын
Күні кеше футболдан Ресей құрамасының үздік сұрмергені атанған Артём Дзюба Қазақстанның «Қайрат» клубына ауысуы туралы ұсынысқа жауап берді.
Бұған дейін Алматының «Қайрат» футбол клубы бақылау кеңесінің төрағасы Қайрат Боранбаев 37 жастағы ресейлік шабуылшы Артем Дзюбаға ұсыныс жасағанын айтқан еді.
«Мен Чемпиондар лигасында ойнау үшін «Қайратқа» ауысуым мүмкін бе? Маған ол жақта чемпионат жасанды алаңда ойнайтынын айтты. Мына жасымда жасанды алаңда ойнау қиын. Екі рет жасанды алаңға шықсам, карьерамды аяқтап жүрермін», — дейді Дзюба Championat.com басылымына берген сұхбатында.
Футболшы Тольятти командасында 2024 жылдың қыркүйегінен бері ойнап келеді. Оның «Акронмен» келісімшарты 2025 жылдың жазына дейін жасалған.
Артем жақында Александр Кержаковтың екі бірдей рекордын жаңартты. Алдымен чемпионаттағы голдарының санын, сосын кеше ұлттық құрамадағы рекордына өзгеріс енгізді.