«Путин қатысқан форумнан ақша жеген». ҚФФ-ның бұрынғы президенті сотта соңғы сөзін айтты
Қожағапанов заңсыз айыпталып жатқанын айтты
Қазақстан футбол федерациясының экс-президенті, сондай-ақ бұрынғы мәдениет және спорт вице-министрі Ерлан Қожағапанов бойынша сот талқылауы аяқталуға жақын.
Ол 2018 жылы Солтүстік Қазақстан облысында өткен Қазақстан мен Ресей арасындағы Өңіраралық ынтымақтастық форумын ұйымдастыру барысында 1 миллиард теңгенің жымқырылуына басты айыпталушы ретінде танылған.
Қожағапанов өзіне қатысты істің қолдан ұйымдастырылғанын айтады.
«Мені заңсыз айыптап жатыр, іс қолдан істелінген. Қылмыстық кодекстің 361-бабының 3-бөлігі – бұл қызметтік өкілеттікті теріс пайдалану. Бұл бап бойынша ең жоғары жаза – жеті жыл. Алайда жуырда сыбайлас жемқорлыққа қарсы агенттік басшыларының бірі маған 12 жылға дейінгі жаза қарастыратын басқа бап тағылғанын айтты. Бұл шындыққа жанаспайды. Егер мен сияқты айыпталушы вице-министрлердің саны 50-ге жетсе, оны түсінуге болар еді. Бірақ мені жалғыз талқылап жатқан секілді», - дейді ол.
Бұрынғы шенеунік Қазақстан-Ресей форумына шығыстарды асыра бағалаумен байланысты сыбайлас жемқорлыққа айыпталуда. Қожағапанов 2024 жылдың 1 наурызында ұсталып, 5 қаңтарда іс сотқа келіп түсті.