Әлем футболының аңызы Франц Беккенбауэр қайтыс болды

Футболдан әлем және Еуропа чемпионы Франц Беккенбауэр 78 жасқа қараған шағында қайтыс болды. Бұл туралы марқұмның отбасы ресми хабарлады.

«Өмірлік жолдасым және әкеміз Франц Беккенбауэр жексенбі күні өз шаңырағында ұйықтап жатып қайтыс болды», - делінген аталған хабарламада.

Айта кетейік, Беккенбауэр «Бавария» сапында Германия чемпионатын төрт рет жеңіп алған және Еуропа чемпиондары кубогінің иегері болған. 

Ол Германия құрамасының сапында 1974 жылы әлем чемпионы, 1972 жылы Еуропа чемпионы болды. 

Екі рет «Алтын доп» иегері атанған.

1990 жылы Германия құрамасының бас бапкері ретінде де әлем чемпионатын жеңіп алған.