ҚПЛ-дағы ең қымбат футболшы анықталды

Transfermarkt дерегі бойынша, Қазақстан Премьер-лигасының ең қымбат футболшысы – алматылық «Қайраттың» шабуылшы жартылай қорғаушысы Валерий Громыко. Беларусь легионерінің нарықтық құны 1 миллион еуроға бағаланып отыр.

Громыко биылғы маусымда шебер ойынымен көзге түсіп, командасының шабуылын ұйымдастыруда басты фигураға айналған.

Қазақстандық ойыншылар арасында ең қымбат футболшы – Әлібек Қасым. «Ақтөбе» командасының орталық қорғаушысы Transfermarkt сарапшыларының бағалауынша 900 мың еуроға бағаланып отыр.

Қасым соңғы маусымдарда тұрақты әрі сенімді ойын көрсетіп келеді. Оның физикалық дайындығы, ойын оқу қабілеті мен тактикалық сауаты шетелдік скауттардың да назарын аудартқан

Қазақстан Премьер-Лигасының ең қымбат ойыншылар қатарына келесі футболшылар енген:

• Егор Сорокин («Қайрат») – 900 мың еуро
• Ислам Чесноков («Тобыл») – 800 мың еуро
• Габи Кики («Ақтөбе») – 800 мың еуро
• Макс Эбонг («Астана») – 800 мың еуро.