«Шаршаттыңдар»: Дмитрий Биволдың бұрынғы әйелі Қазақстанға қатысты дөрекі пікір айтты
Қазақстаныңызбен әбден мезі еттіңіздер
Жартылай ауыр салмақта біріктірілген әлем чемпионы Дмитрий Биволдың бұрынғы әйелі Екатерина Бивол Қазақстанға қатысты өткір пікірлерімен тағы да дауға ілікті.
Жақында ол Алматыға туыстарын көруге келген сапарынан сурет жариялап, өзінің де, балаларының да тегін өзгертетінін мәлімдеген. Бұл жазбадан соң көптеген қазақстандық оған елге келмеуге кеңес берген.
Бұған жауап ретінде Екатерина ашулы хабарлама жариялап, Қазақстан мен жергілікті халық туралы жағымсыз пікір айтты:
«Яғни жалған ақпарат тарататын пабликтер бірдеңе жазса, бірден 500-ге жуық ашушаң адамнан хабарлама аламын... Құдай сақтасын, мен сіздерге баруды жоспарлап отырған жоқпын, ондай ойым да болған емес... Қазақстаныңызбен әбден мезі еттіңіздер», – деп жазды ол.
Екатеринаның айтуынша, өзіне бағытталған хейт оның «танымалдығын ғана дәлелдейді».
Айта кетейік, Дмитрий мен Екатерина Биволдың ортақ екі ұлы бар – Мирон және Никон. Олар 16 жыл некелесіп, 2023 жылдың маусымында ажырасқан болатын.