Винисиус, Мбаппе: «Реал» Алматыда алғашқы минуттан шығатын құрамын жариялады

Мадридтік «Реалдың» бас бапкері Хаби Алонсо Чемпиондар лигасының жалпы кезеңіндегі «Қайратқа» қарсы өтетін ойынға арналған старттық құрамды жариялады.

Алғашқы минуттардан бастап алаңға шығатын ойыншылар тізімі мынадай:

Куртуа, Асенсио, Хёйсен, Алаба, Гарсия, Чуамени, Себальос, Гюлер, Мастантуоно, Винисиус, Мбаппе.

Еске сала кетейік, «Қайрат» пен «Реал» арасындағы кездесу Алматыдағы Орталық стадионда өтеді. Басталуы — Астана уақытымен 21:45.

Чемпиондар лигасының жалпы кезеңіндегі алғашқы турда алматылықтар сырт алаңда «Спортингке» 1:4 есебімен жол берген еді. Ал «Реал» өз алаңында «Марсельді» 2:1 есебімен ұтып, алғашқы жеңісін тойлады.

Бұл кезеңде «Қайраттың» қарсыластары арасында «Арсенал», «Интер», «Брюгге», «Копенгаген», «Олимпиакос» және «Пафос» клубтары да бар.