Франциядан Алжирге: Зиданның ұлы азаматтығын ауыстырып, ұлттық құрамаға өтті

Атақты француз футболшысы Зинедин Зиданның ұлы Люка Зидан алғаш рет Алжир ұлттық құрамасына шақырту алды. Бұған дейін қақпашы Францияның жастар құрамасында ойнаған еді.

Алжир футбол федерациясы әлеуметтік желілерде 27 жастағы қақпашының шақыртылғанын ресми жариялады. Бұл айда команда әлем чемпионаты-2026 іріктеу кезеңінде екі матч өткізеді: 9 қазанда сырт алаңда Сомалиге қарсы ойнаса, 14 қазанда өз алаңында Уганданы қабылдайды.

Люка Зидан осы жылдың қыркүйегінде азаматтығын ауыстырып, Алжирдің азаматы атанды. Қазіргі таңда ол Испания чемпионатының екінші дивизионында өнер көрсететін "Гранда" клубының қақпасын қорғауда.