Чехия өз жерінде өткен хоккейден әлем чемпионатында чемпион болды

Шайбалы хоккейден Чехия ұлттық құрамасы әлем чемпионы атанды.

Финалда айдын қожайындары Швейцариямен ойнап, 2:0 есебімен жеңіске жетті.

Алғашқы екі кезеңде нәтиже өзгермей, тек үшінші периодта Пастрняк есеп ашып, командасын алға шығарды. Ал, 59-минутта Кемпф шайбаны қақпаға дәл бағыттап, жеңісті еселей түсті. Осылайша Чехия әлем чемпионатының үздігі болып отыр. 

Бұл шайбалы хоккейден чехтардың иеленген алтыншы чемпиондығы. Аталған құрама 1996, 1999, 2001, 2005, 2010, 2024 жылдары әлем үздігі атанған еді. Ал Швейцария құрамасы төртінші рет әлем чемпионатының финалында өнер көрсетті.

Үшінші орын үшін өткен бәсекеде Канада Швецияға жол берді. Осылайша әлем чемпионатының барлық жүлдесін еуропалық құрамалар иеленді. Қола жүлде үшін өткен матч 4:2 есебімен аяқталды. Есепті швейцариялық Грундстрем 12-минутта ашса, екінші таймның басында Канада ойыншысы Козенс есепті теңестірді. Ал, 44-минутта Канада алға шығып, Дюбуа шайба соққан еді. Алайда 49-минутат Карлссон, 53-минутта Грундстрем, 59-минутта Юханссон мергендігімен көзге түсіп, есепті 4:2-ге жеткізді.

Хоккейден келесі әлем чемпионаты 2025 жылы Швецияда өтеді. Мамыр айының 9-25 күндері өтетін сында Қазақстан В тобында өнер көрсетеді. Бұл себетте Финляндия, Чехия, АҚШ, Германия, Дания, Норвегия және Венгрия құрамалары бар.