Қытайлық хоккейшілерді қуып жүріп сабаған Дамир Рыспаев «Барыс» – «Куньлунь» ойынында айдынға шықты

Құрлықтық хоккей лигасының кезекті туры аясында Астанада жергілікті «Барыс» қытайлық «Кунлунь» командасымен кездесті. Астаналық клуб бұл жолы да жеңілді. Ал, матчтың басты оқиғасы – айдынға Дамир Рыспаевтың шығуы болды.

«Барыстың» әйгілі экс-қорғаушысы аталған ойынға қонақ ретінде келген. Ол кездесу басталар алдында қос команданың капитандарының қолын алып, ойынды бастап берді.

Рыспаевты әйгілі дейтініміз – ол 2016 жылы дәл осы «Барыс» – «КуньЛунь» арасындағы матчта төбелес шығарып, айдындағы қытайлық хоккейшілерді түгел сабап ұрған. Одан кейін ол ұзақ жылға хоккейден шеттетілді. Бүгінде небәрі 28 жастағы Рыспаев кәсіпқой спортпен қош айтысқан.