«Барыс» қарсыласын буллитте ұтты

Астананың «Барысы» Құрлықтық хоккей лигасының аясында өз айдынында Нижнекамскінің «Нефтехимик» клубын қабылдады.

Қонақтар соңғы үш ойын қатарынан жеңіліске ұшырағанымен, сарапшылар бұл матчта ресейлік ұжымды фаворит санады.

Ғалым Мәмбеталиев айдынға мына құрамды шығарды: Бояркин (Маттссон) — Бекетаев-Данияр, Жафяров-Николишин-Бурдасов; Камалов-Хохлов, Панюков-Өмірбеков-Әсетов; Гайтамиров-Бутенко, Рахманов-Бойко-Сетдиков; Королев-Оразов, Мұратов-Логвин-Савицкий.

Алғашқы кезеңде қонақтар есеп ашса, екінші кезеңде Кирилл Савицкий таразы басын теңестірді. Үшінші кезеңде жанкүйерлер гол көрген жоқ, есесіне Әлихан Әсетов пен Владислав Леонтьевтің төбелесіне куә болды. Овертаймда да ештеңе өзгермегенімен, буллиттер сериясында «Барыстың» жолы болды.

Енді 5 қараша күні «Барыс» өз айдынында Қазанның «Ак Барс» клубымен кездеседі.

«Барыс» (Астана, Қазақстан) — «Нефтехимик» (Нижнекамск, Ресей) 2:1 Б (0:1, 1:0, 0:0, 0:0, 1:0)

Шайбалар:

0:1 — 19:35 Лещенко (Барбер, Митякин)

1:1 — 29:44 Савицкий (Камалов, Муратов)

2:1 — 65:00 Мұратов. Буллит

Қақпышылар: Бояркин — Долганов