«Барыс» ҚХЛ-да қатарынан сегізінші ойында жеңілді

Астананың «Барыс» клубы Құрлықтық хоккей лигасы тұрақты чемпионаты аясында өз айдынында Екатеринбургтің «Автомобилист» клубын қабылдады. 

Тартысты өткен матчта елордалықтар жеңіліп қалды. Негізгі ойын мен овертайм тең аяқталған – 2:2, ал буллиттер сериясында «Автомобилист» хоккейшілері мергендік танытты – 3:0.

Қонақтар сапынан Алексей Бывальцев пен Семён Кизимов көзге түссе, айдын иелерінен Әділ Бекетаев пен Никита Сетдиков бір-бір шайбадан соқты.

Осылайша, Ғалым Мәмбеталиев шәкірттері қатарынан сегізінші рет жеңіліс тауып отыр. Елордалық ұжым соңғы рет 2024 жылғы 17 желтоқсанда «Динамоны» ұтқан (2:0).