Қазақстанның хоккейші қыздары әлем чемпионатында екінші жеңісіне жетті
Келесі екі матч Нидерланд пен Латвия құрамаларына қарсы өтеді
Ригада (Латвия) хоккейден жасөспірім қыздар арасында өтіп жатқан әлем чемпионатында Қазақстан құрамасы қатарынан екінші жеңісіне қол жеткізді.
Қазақстандық қыздар екінші матчты Тайбэй құрамасына қарсы өткізіп, 6:0 есебімен ойсырата жеңді.
Қазақстан хоккейшілері матчтың бірінші минутында бірден есеп ашты, гол авторы – София Зубкова. Ал 12-ші минутта София Муравьева көзге түссе, араға екі минут салып Алина Жакулина басымдықты арттырды. Алғашқы таймның соңында Зубкова тағы бір шайба соқса, қалған екі таймда Муравьева жеңісті нықтай түсті.
Айта кетейік, Қазақстан құрамасы алғашқы ойында Ұлыбританиядан жеңілсе (1:3), екінші матчта Жаңа Зеландияны 14:3 есебімен ойсырата жеңді.
Келесі ойынды отандастарымыз 25 қаңтарда Нидерланд құрамасына қарсы өткізеді. Ал, 26 қаңтарда жарыс қожайындары – Латвиямен айдынға шығады.