Эдуард Базров Асу Алмабаевтың жеңісінен кейінгі жоспарын бөлісті
Ол Осетияға кететінін айтты.
Dar Team бас бапкері Эдуард Базров Асу Алмабаев (23-3) американдық Алекс Пересті (25-10) жеңгеннен кейінгі алдағы жоспарларын бөлісті. Бұл кездесу UFC Fight Night 265 турнирінде (Доха, Катар) өтті.
Біз өте маңызды әрі сенімді жеңіске қол жеткіздік. Қазір негізгі жоспарым – Осетияға бару. Онда бір аптадан бері біздің командадағы мықты үш спортшы – Фаниль Рафиков, Шахзод Мирзаев пен Мейірбек Есқазиев дайындалып жатыр.
Фаниль 20 желтоқсанда өтетін Fight Nights гран-приіне әзірленіп жатыр. Екі мықты америкалық қарсылас жекпе-жектен бас тартты: біреуі жарақатына байланысты, екіншісі – отбасы жағдайына байланысты. Камил Гаджиев жақсы қарсылас табуға уәде берді, біз Мәскеуде жалпы жүлде қоры 1 миллион доллар болатын турнирде жұдырықтасамыз.
Өзім жұмысымды Осетияға барып жалғастыруды жоспарлап отырмын. Шахзода Мирзаев 20-22 желтоқсан аралығында UAE Warriors ұйымында жекпе-жекке шығуы керек. Ал Есқазиев Naiza турниріне дайындалып жатыр. Міне, жоспарларымыз осындай.
Сонымен қатар бізде Шавкат бар, онымен келесі жылға дайындық жүргіземіз. Жаңа жылдан кейін айқас өткіземіз деп үміттенеміз, – деді бапкер.