Махачев пен Гэрри Филадельфияда алғаш рет көз арбасты
Жекпе-жек 16 тамызда өтеді
UFC-дің жартылай орта салмақтағы чемпионы Ислам Махачев пен осы дивизиондағы титулға үміткер ирландиялық Иэн Мачадо Гэрри алдағы жекпе-жек алдында алғашқы «көз арбасуын» өткізді. Екі спортшы Филадельфиядағы әйгілі Рокки Бальбоаның мүсіні жанында кездесті.
Махачев UFC-дегі қатарынан 16 жеңістен тұратын сериясын жалғастырып келеді. Ресейлік спортшының кәсіби рекорды – 28 жеңіс және бір жеңіліс. Ол соңғы жекпе-жегін UFC 322 турнирінде өткізіп, австралиялық Джек Делла Маддаленаны төрешілердің бірауызды шешімімен жеңіп, жартылай орта салмақтағы чемпиондық белбеуді иеленді.
Ал Иэн Гэрри соңғы кездесуінде америкалық Белал Мұхаммадты төрешілердің бірауызды шешімімен жеңді. Ирландиялық файтердің кәсіби рекорды – 17 жеңіс және 1 жеңіліс. Оның сегіз жеңісі мерзімінен бұрын аяқталған.
Махачев пен Гэрри арасындағы чемпиондық жекпе-жек 16 тамызда Филадельфияда өтетін UFC 330 турнирінің басты оқиғасы болады. Махачев бұл кездесуде жартылай орта салмақтағы чемпиондық атағын алғаш рет қорғайды.