Қазақстандық файтер UFC-ден шығарылды
UFC-де бес қазақстандық қалды
Қазақстандық аралас жекпе-жек шебері Бекзат Алмахан UFC ұйымының ресми ростерінен шығарылды. Оның промоушендегі соңғы жекпе-жегі 27 маусымда Бакуде өтті. Сол кездесуде отандасымыз Жан Мацумотоға төрешілердің бірауызды шешімімен жол берген.
Осы жеңілістен кейін Алмахан UFC-дегі қатарынан екінші жекпе-жегінде жеңіліс тапты. Қазақстандық спортшының промоушендегі жалпы рекорды – 1 жеңіс, 3 жеңіліс.
Алмахан UFC-дегі дебютін 2024 жылғы 2 наурызда жасап, Умар Нурмагомедовке төрешілер шешімімен есе жіберді. 2025 жылғы мамырда Брэд Катонадан бірінші раундта нокаутпен басым түсіп, ұйымдағы алғашқы жеңісіне қол жеткізді.
Кейін қазақстандық Александр Топуриядан жеңіліп, соңғы жекпе-жегінде Жан Мацумотоға жол берді.
UFC-дің қазіргі ресми ростерінде Қазақстанның бес өкілі қалды:
- Шавкат Рахмонов;
- Асу Алмабаев;
- Дияр Нұрғожай;
- Әлиби Ыдырыс;
- Николай Веретенников.
Алмаханның UFC-ден шығарылғаны оның кәсіби мансабын аяқтағанын білдірмейді.