Қарсыласын жойқын нокаутпен жеңген файтер Шавкат Рахмоновты жекпе-жекке шақырды
10.03.2024, 11:26
Ол UFC рейтингінде 11-орында тұр
Getty Images
UFC-де өнер көрсететін аустралиялық файтер Джек Делла Маддалена (17-2) бразилиялық Гилберт Бернсты (22-7) нокаутпен жеңгеннен кейін қазақ Шавкат Рахмоновты жекпе-жекке шақырды.
Айта кетейік, кеше Майами қаласында (АҚШ) UFC 299 турнирі өткен болатын.
«Мұнда мықты файтерлер көп. Бірақ, мен ең мықтысымын. Шавкат Рахмонов! Біз екеуміз октагонда кездесуіміз керек. Кеттік», - деді Маддалена жекпе-жектен кейінгі сұхбатында.
Ол бразилиялық қарсыласын үшінші раундта жойқын нокаутпен жеңді. Осыған дейін Маддалена орта салмақтағы рейтингте 11-ші тұрған, ал Бернс төртінші сатыда еді. Шавкат Рахмонов болса үшінші тұр.