Ислам Махачев чемпиондық титулын қорғау үшін әйгілі файтермен төбелеседі
17.04.2024, 09:51
Ресейлік файтер чемпиондық титулын үшінші рет қорғамақ
Getty Images
UFC жеңіл салмақтағы әлем чемпионы ресейлік Ислам Махачевтің жаңа қарсыласын хабарлады. Жекпе-жек 2 маусымда АҚШ-тың Ньюарк қаласында өтеді.
«Ислам Махачев Ньюарктегі UFC 302 турнирінде Дастин Порьемен октагонға шығады», - делінген UFC-дің баспасөз қызметі таратқан хабарламада.
Махачев соңғы рет 2023 жылдың қазанында Абу-Даби қаласында жекпе-жек өткізген болатын. Ол кезде ресейлік чемпион аустралиялық Александр Волкановскийді бірінші раундта жеңіп, титулын қорғап қалды.
Ал, Порье болса соңғы рет биыл наурызда француз Бенуа Сент-Дениді екінші раундта мерзімінен бұрын жеңді.