Хабиб Нурмагомедов бала кезден бергі кумирімен кездесті

Аралас жекпе-жек шебері, UFC лигасының экс-чемпионы Хабиб Нурмагомедов Абу-Дабиде бразилиялық даңқты футболшы Роналдомен кездесті. Тарихи фотоны файтер өзінің Instagram-парақшасында жариялады.

Айта кетейік, Біріккен Араб әмірліктерінде «Формула-1» жарысының соңғы кезеңі өтті. Аталған шараға әлемнің танымал спортшылары мен өнер жұлдыздары жиналған.

Хабиб болса өзінің ең сүйікті футболшысы дәл осы Роналдо екенін бұған дейін айтқан болатын. Бразилиялық шабуылшы әлемнің екі дүркін чемпионы. «Барселона», «Реал», «Интер», «Милан», ПСВ секілді Еуропаның ең мықты клубтарында өнер көрсеткен.