Қазақстандық файтер Абу-Дабидегі турнирде жеңіліске ұшырады
Еркін Дарменов бразилиялық қарсыласына есе жіберді
Қазақстандық ММА жекпе-жек шебері Еркін Дарменов Абу-Дабиде (БАӘ) өткен UAE Warriors 55 турнирінде өнер көрсетті. Оның қарсыласы тәжірибелі бразилиялық Родриго Кавалейро болды.
Кездесу бірінші раундта Кавалейроның нокаутпен жеңіске жетуімен аяқталды.
Айта кетейік, Родриго Кавалейро Еркін Дарменовқа қарсы жекпе-жекке бар болғаны бір күн бұрын келіскен. Бастапқыда Дарменов басқа бразилиялық файтермен Карлос Леалмен төбелесуі керек еді, бірақ Леал UFC 308 турниріне қатысу үшін шақыру алған соң жекпе-жек өзгертілді.
Осылайша Еркін Дарменов мансабында сегізінші рет жеңіліске ұшырады, 13 рет жеңіске жеткен. Ал Родриго Кавалейро бұл кездесуде өзінің 27-ші жеңісіне қол жеткізді, оның есебінде 10 жеңіліс бар.