Шавкат Рахмонов UFC-дің белді спортшыларының бірімен спарринг өткізді
Шавкат пен Белал 7 желтоқсан күні Лас-Вегаста кездесуі керек еді
UFC-дегі жартылай орта салмақ өкілі Шавкат Рахмонов (18-0) осы дивизондағы чемпион Белал Мухаммад (24-3) айқастан бас тартқанына қарамастан жаттығуын жалғастырып жатыр.
Шавкат пен Белал 7 желтоқсан күні Лас-Вегаста кездесуі керек еді, алайда Мухаммад аяғына шұғыл операция жасатып, бірнеше апта бойы жаттыға алмайды. Соған қарамастан Рахмонов желтоқсанда уақытша чемпиондық атақ үшін айқасуға дайын екендігін алға тартты.
Кезекті жаттығу процесі аясында Шавкат орта салмақта UFC-рейтингінде бесінші орында тұрған Франция атынан өнер көрсететін дағыстандық Нассурдин Имавовпен (15-4) спарринг өткізді. Жаттығу кезінде «Номадпен» түскен суретін Нассурдин өзінің әлеуметтік желідегі парақшасында жариялады.