Шавкат Рахмоновтың командасы ресми мәлімдеме жасады
12.11.2024, 14:33
Шавкатпен октагонға шығуға жақсы бір қарсылас келісім берген
globallookpress.com
Аралас жекпе-жек шебері Шавкат Рахмоновтың командасы DAR Team қазақстандықтың айқасына қатысты ресми мәлімдеме жасады. Ұйым отандасымыз 7 желтоқсан күнге жоспарланған жекпе-жегі өтетінін хабарлады.
DAR Team өзінің Instagram-дағы парақшасында Шавкатпен октагонға шығуға жақсы бір қарсылас келісім бергенін жазды.
«Сонымен, бізде жақсы жаңалық бар, жақсы біреу жекпе-жекке келісті. UFC 310 күшінде», - делінген жазбада.
Дегенмен жартылай орта салмақ өкілінің қарсыласының аты әлі де белгісіз. Айта кетейік, UFC 310 турнирі 7 желтоқсан күні Невада штатында (АҚШ) өтеді.
Әзірге промоушеннің өзі ешқандай ресми мәлімдеме жасаған жоқ.