Америкалық төреші Шавкат Рахмоновтың қарсыласы қаншалықты мықты екенін айтты
Оның айтуынша, Иэн Гэрри кез келгеннің осал тұсын табады
Америкалық рефери Джон Маккарти UFC 310 турнирінде 7 желтоқсанда Шавкат Рахмоновпен (18-0) кездесетін Иэн Гэрридің (15-0) мықты тұстарына тоқталды.
«Гэрри — тамаша жекпе-жек шебері. Ол өте ақылды спортшы. Иә, көпшілік оның трэшток стилін Конор МакГрегормен салыстырады: ол жақсы сөйлейді, адамдарды ашуландырады... Бірақ ол өте ақылды. Ол Пейджге қарсы айқасында «Құдай-ай, бұл жігіт шынымен-ақ өте мықты екен!» деп тез түсінді. Содан соң ақырындап әрекет етіп, қауіптілігін азайтты. Мәселе мынада, ол жекпе-жек барысында қарсыласына бейімделе алады», — деді Маккарти.
Еске сала кетейік, бастапқыда Шавкат Рахмонов UFC жартылай орта салмақтағы чемпионы Белал Мұхаммедпен (24-3) кездесуі керек болатын, алайда Мұхаммед денсаулығына байланысты айқастан бас тартты.