Шавкат Рахмонов АҚШ-тағы жекпе-жектен қомақты табыс тапты
Отандасымыз Лас-Вегаста өзінің ең қомақты табысына қол жеткізді
UFC 310 лигасы аясындағы жекпе-жекте жеңіске жеткен қазақстандық файтер Шавкат Рахмоновтың қанша қаржы тапқаны белгілі болды.
Отандасымыз Лас-Вегастағы сында өзінің ең қомақты табысына қол жеткізді. Ол Иэн Гэрримен өткен айқаста 1,15 млн доллар табыс тапты. Оның ішінде 300 мың доллар жекпе-жекке шыққаны үшін, 100 мың доллар жеңіске жеткеніне және 750 мың доллар PPV сатылымынан түскен пайда болып отыр.
Ал ирландиялық Гэрри 1,06 млн доллар алған. Оның ішінде 350 мың шыққаны үшін болса, 700 мыңы PPV сатылымынан түскен бонус ретінде, сондай-ақ, демеушілер есебінен 6 мың доллар иеленді.
Сондай-ақ, экс-чемпион Евлоев 176 мың доллар (86 мың шыққаны үшін, 85 мың жеңіске жеткені, 6 мың демеушілер есебінен) алса, Стерлинг 320 мың (300 шыққаны үшін, 20 мың демеушілерден) долларға қол жеткізді.
UFC 310 лигасында қомақты сома иелеген ТОП-10 файтерлер:
Александр Пантожа 3 442 000
Кай Асакура 1 632 000
Шавкат Рахмонов 1 155 000
Иэн Мачадо Гэрри 1 056 000
Висенте Люке 471 000
Крис Вайдман 421 000
Клэй Гуида 371 000
Майкл Кьеза 366 000
Доминик Рейес 361 000
Сирил Ган 360 000.