РЕСМИ. Асу Алмабаевтың келесі қарсыласы белгілі болды

UFC-де өнер көрсететін қазақстандық файтер Асу Алмабаев (21-2) келесі жекпе-жегін аустралиялық Стив Эрцегқа (12-3) қарсы өткізеді. Бұл туралы Dar Pro Team командасы мәлімдеді.

«Ресми. Dar Team Kazakhstan командасының топ-файтері Асу Алмабаевтың наурызда өтетін турнирдегі қарсыласы Аустралия өкілі Стив Эрцег болады. Ол бұрын чемпиондық титулға үміткер болған», - деп жазылған хабарламада.

Аталған жекпе-жек 1 наурызда Лас-Вгеастағы UFC Vegas 103 тунрирі аясында өтеді. Бұған дейінгі кездесуін қазақ файтері былтыр қазан айында бразилиялық Матеус Николауға қарсы өткізіп, төрешілердің шешімімен жеңіске жеткен болатын.