Дияр Нұрғожайдың UFC-дегі алғашқы қарсыласы белгілі болды
Ол былтыр Дана Уайттың назарына ілінген болатын
Аралас жекпе-жекте әлі жеңіліп көрмеген қазақ файтері Дияр Нұрғожай (10-0) UFC-дегі дебютін биыл 15 наурызда өткізетін болды. Оның қарсыласының кім болатыны да белгілі.
Дияр 15 наруызда Лас-Вегаста өтетін UFC Vegas 104 турнирінде бразилиялық Брендсон Рибейро болмақ (лақап аты – Горилла).
28 жастағы Рибейро MMA-ға 2015 жылы келген. Ол 16 жекпе-жекте жеңіп, жетеуінде жеңілген. UFC-дегі алғашқы жеңісіне 2024 жылдың қараша айында UFC Fight Night 246қол жеткізді. Ол кезде бразилиялық файтер жерлесі Кайо Мачадоны төрешілер шешімімен жеңген болатын.
Дияр болса былтыр қазан айында UFC-ге іріктеу турнирінде жеңіске жетіп, Дана Уайттың назарына іліккен. Осы жекпе-жектен кейін UFC басшысы оған бірден контракт ұсынды.