Шавкат ешқашан мен сияқты адаммен төбелесіп көрмеген – Белал Мухаммад
Ол Хабиб Нурмагамедовтің командасымен жаттығу сәтті өткенін айтты
Жартылай орта салмақта UFC чемпионы Белал Мухаммад (24-3) қазақстандық Шавкат Рахмоновпен (19-0) мамыр не маусым айында төбелеспек.
Ол UFC-дің бұрынғы чемпионы Хабиб Нурмагамедовтің командасымен жаттығу сәтті өткенін, жарақаттан соң қалыпқа келе бастағанын алға тартты.
«Рамданнан соң бірден ораламын. Мамыр не маусым өте сәтті кезең болады деп ойлаймын. Өткен аптада Вегаста Хабибтің командасымен бірге жаттығу жасадым, бұл менің ағзам үшін керемет тәжірибе болды, сергіп қалуыма көмектесті. Қазір денем қалпына келе бастады.
Шавкат ешқашан мен сияқты адаммен төбелесіп көрмеген. Торға кіргенде менің өзгелерден мүлде бөлек екенімді түсінеді. Ол бұл ойында түрлі деңгей барын ұғады. Әлемде жартылай орта салмақта теңдессіз екенімді дәлелдеймін», - деді Белал.
Негізі Рахмонов пен Мухаммад арасындағы айқас желтоқсанда өтуі тиіс еді, алайда америкалық аралас жекпе-жек шебері жарақатына байланысты бұл кездесуден бас тартты.