Мүлдем жеңіліп көрмеген қазақстандық танымал файтер Таиландтағы турнирде оңбай «таяқ жеді» (ВИДЕО)
Кездесу небәрі бірінші раундта аяқталды
Қазақстандық аралас жекпе-жек шебері Самат Мамедов Таиландтағы One Championship промоушенінде дебютін сәтсіз өткізді. 26 жастағы отандасымыз Швейцария файтерінен оңбай жеңілді.
OCTAGON лигасының жұлдызы саналған Самат Мамедов аталған жекпе-жекте фаворит саналған. Десе де, оның қарсыласы Морис Абеви (9-1) де оңай шағылатын жаңғақ емес еді. Кездесу үш раундтқа жоспарланып, небәрі бірінші раундта мәресіне жетті.
Абеви қазақстандық файтерге жойқын соққыларын тигізіп құлатып алды да, партерде де тоқтаусыз ұрды. Ауыр соққыларға төтеп бере алмаған Мамедов төрешіден жекпе-жекті тоқтатуды сұрады.
Бұған дейін 10 жекпе-жектің бәрінде жеңіске жеткен Самат Мамедов үшін бұл – алғашқы жеңіліс. Абеви болса 10 жекпе жектің тек біреуінде жеңіліп, басқасының бәрінде жеңіске жеткен.