UFC: эквадорлық спортшы Шавкат Рахмоновты қуып жетті

UFC-дегі эквадорлық спортшы Майкл Моралес карьерасындағы 19-жеңісіне қол жеткізді.

Нью-Йоркте (АҚШ) өткен UFC 322 турнирінде Моралес америкалық Шон Брэдиді бірінші раундта нокаутқа жіберді. Ал Майклдың өзі бүгінге дейін бір де бір рет жеңілмеген. Қазіргі рекорды – 19-0, яғни дәл осы дивизионда өнер көрсететін қазақ файтері Шавкат Рахмоновтың көрсеткішімен бірдей.

Еске сала кетсек, «Номад» соңғы жекпе-жегін өткен жылдың желтоқсанында өткізіп, ирландиялық Иэн Гэрриді төрешілердің ортақ шешімімен жеңген еді. Сол кезден бері Рахмонов ауыр жарақатына байланысты октагонға шыққан жоқ. Әзірге жерлесіміздің келесі айқасы қашан өтетіні белгісіз.