Ресейлік Олимпиада чемпионы қазақстандық спортшыдан балалы болды
Ерлі-зайыптылар қазірдің өзінде 2022 жылдың қазан айында дүниеге келген Адриан есімді ұл тәрбиелеп отыр.
2014 жылғы Сочиде өткен Олимпиада ойындарының чемпионы, мәнерлеп сырғанаушы Аделина Сотникова екінші сәбиінің дүниеге келгенін хабарлады.
29 жастағы спортшы қуанышты жаңалығымен әлеуметтік желідегі парақшасында және Telegram-арнасында бөлісті. Оның айтуынша, сәби 2026 жылдың 9 қаңтарында өмірге келген. Нәрестенің жынысы әзірге жарияланған жоқ.
«Егер сіз бұл видеоны көріп отырсаңыз, ғажайыптың куәсі болдыңыз. Дүниеге керемет бір жан дүниеге келді. 09.01.2026. Енді біздің отбасымызда екі періштеміз бар. Бұл – менің 2025 жылымды түйіндейтін және 2026 жылға керемет бастау сыйлаған ең маңызды оқиға», – деп жазды Сотникова.
Айта кетейік, Аделина Сотникова 2024 жылы қазақстандық теннисші Дмитрий Попкомен некеге тұрған. Ерлі-зайыптылар қазірдің өзінде 2022 жылдың қазан айында дүниеге келген Адриан есімді ұл тәрбиелеп отыр.
Аделина Сотникова – 2014 жылғы Сочи Олимпиадасында әйелдер арасындағы жекелей мәнерлеп сырғанаудан алтын медаль иеленген тұңғыш ресейлік спортшы. Сондай-ақ оның еншісінде Еуропа чемпионаттарының екі күміс жүлдесі бар.