Қазақстандық екі балуан қыз беделді турнирдің финалына шықты

Албания астанасы Тиранада күрес түрлерінен өтіп жатқан рейтингілік жарыста ұлттық құраманың екі балуаны ақтық сынға жолдама алды.

Әйелдер арасында -50 келі салмақта ел чемпионы Зейнеп Баянова іріктеуде АҚШ, Жапония және жартылай финалда Үндістан спортшысын жеңді. Ертең отандасымыз финалда тағы бір үндістандық Прианши Праджапатпен күш сынасады.

Ал -55 келі салмақтағы Лаура Алмағанбетова алғашқы белдесуде Үндістан, кейін Германия өкілі Анастасия Блейвастан басым түсіп, ақтық сынға өтті. Оның шешуші айқастағы қарсыласы Лилия Маланчук (Украина) болады.