Таеквондошы Айдана Құмартаева Муджудағы Гран-при турнирінің қола жүлдегері атанды
Бүгін, 14:30
Муджудағы жарысқа 6 отандасымыз аттанды
Спортты дамыту дирекциясы.
Оңтүстік Кореяның Муджу қаласында басталған WT таеквондодан әлемдік Гран-при сериясының турнирінде Қазақстан қоржынына алғашқы медаль түсті.
Жарыстың алғашқы күні даянгқа шыққан Айдана Құмартаева 49 кг дейінгі салмақта 3-орын алды. Отандасымыз жартылай финалда осы салмақта әлем чемпионы Лю Ю-юнмен (Қытайдың Тайпейі) күш сынасты. Аса тартысты өткен жекпе-жекте Лю басым түсті. Осылайша, Айдана жарысты қола медальмен аяқтады.
Айта кетейік, Муджудағы жарысқа 6 отандасымыз аттанды. Барлығы 46 мемлекеттен 248 таеквондошы жиналды.
Бұл осы маусымдағы Гран-при сериясының 2-кезеңі. Шешуші турнир биыл күзде Астанада өтеді.
Реклама
Реклама