Тарихта бірінші: Мөлдір Жаңбырбай каратеден әлем чемпионы атанды
30.10.2023, 10:46
Қазақстандық каратешілер бұрын-соңды мұндай жетістікке жетпеген
Фото ашық дереккөзден
Венгрия астанасы Будапештте каратеден өтіп жатқан әлем чемпионатында қазақстандық спортшы Мөлдір Жаңбырбай жеңімпаз атанды.
Ұлттық Олимпиада комитетінің мәліметінше, отандасымыз шығыс жекпе-жегінен өткен сында 50 келіге дейінгі салмақ дәрежесінде көш бастаған. Әрі ол каратеден Қазақстан спортшылары арасында әлем чемпионы атанған алғашқы спортшы атанып отыр.
Сондай-ақ, ол таяуда ғана Қытайда аяқталған Азия ойындарында күміс жүлдегер атанған болатын.
Бұдан бөлек, каратешілер арасында 60 келіде Қайсар Алпысбай күміс, Дидар Әмірәлі 67 келіде қола жүлдені құрама қоржынына салды.