«Тіл үшін де күресіп жүрмін»: Абиба Әбужақынова немен шұғылданып жүргенін мәлімдеді
Абиба спорттан бөлек күресі туралы ел естімеген дерегін алға тартты
Дзюдодан әлем чемпионатының екі дүркін жүлдегері Абиба Әбужақынова өзінің тіл үшін күресіп жүргенін айтты.
Париж Олимпиадасында сынға түсетін отандасымыз әлеуметтік желіде ұлттық киімде түскен суретін жариялап, спорттан бөлек күресі туралы ел естімеген дерегін алға тартты.
«Маған қазақтың ұлттық киімдері ерекше ұнайды. Өзім қазақ үшін және тіл үшін де күресіп жүрмін», - деп жазды спортшы.
Ол Атырауға барған сапарында ұлттық киім салонына арнайы барып, бірнеше киім үлгісімен танысқанын көрсетті. Сонымен бірге, ол шапан киіп түскен суретін оқырман назарына ұсынған. Абиба Әбужақынова жыл басынан бері 6 турнирге қатысып, оның бесеуін жүлдегер атанды.
Ал сәуір айында Гонконгта Азия чемпионатының қола жүлдесі үшін өткен сында тағы бір қазақстандық дзюдошы Ғалия Тынбаеваға есе жіберді. Әлемдік рейтингте үздік бестікке енген отандасымыз мамыр айында Біріккен Араб Әмірлігінде өткен әлем чемпионатында қола жүлдеге ие болған еді.