Алматының «Қайраты» Чемпиондар лигасының финалдық кезеңіне шықты

Футзалдан УЕФА Чемпиондар лигасының элиталық кезеңінің алғашқы екі матчында жеңіске жеткен «Қайрат» клубы мерзімінен бұрын Чемпиондар лигасының финалдық кезеңіне шықты.

Алматылық ұжым элиталық раундтың ойындарын Хорватияның Загреб қаласында өткізіп жатыр. Алдымен франциялық «Этуаль» командасын 4:2, сосын жергілікті «Олмиссум» клубын 1:0 есебімен жеңді.

Екі турдан кейін «Этуальда» - 3, «Футзал Динамо» мен «Олмиссум» командаларында 1 ғана ұпайдан бар. Ал «Қайрат» 6 ұпаймен жеке-дара көш бастады. Сөйтіп «Төртеудің финалына» мерзімінен бұрын жолдама алды. Алдағы ойындардың нәтижесі ештеңені шешпейді.

Чемпиондар лигасының жартылай финалына «Қайраттан» басқа қалған үш топтың жеңімпазы жолдама алады.