Сатыбалды әкім болғанға дейін қандай спортпен айналысқанын айтты

Түркістан облысының әкімі Дархан Сатыбалды бала күнінен спортқа әуес болғанын айтты.

Облыс басшысының сөзіне қарағанда, спорттағы қадамын күрестен бастаған.

«Кішкентай кезімнен спортпен шұғылдандым. Бала күнімде күреске бардым. Сонан соң таеквондо, бокспен шұғылдандым. Жас келгенде дене шынықтыру үшін фитнеске бардым, бір күні кардио, бір күн ауыр темірлер көтеретінмін, бұл күнделікті үрдіс болды. Бел ауырған соң жүзумен шұғылдандым. Қазір оған уақыт жоқ. Кабинетте отырасың, бірақ жаяу жүруге тырысамын. Таңертең тұрып жүгіру жолағында аздап шынығамын», - деді әкім журналист Мейіржан Әлібекұлына берген сұхбатында.