Шавкат Рахмоновтың қанша сыйақы алатыны белгілі болды
04.12.2024, 09:46
Жеңген жағдайда табысы тағы 100 мың долларға артады
instagram.com/shavkatrakhmonov94
Sportal Mag порталы 8 желтоқсанда Лас-Вегастағы UFC 310 турнирінде бақ сынайтын спортшылардың сыйақысын жариялады.
Қазақстандық саңлақ Шавкат Рахмоновтың ирландиялық Иэн Гэрримен кездесуі үшін кепілді сыйақысының көлемі 350 мың долларды құрамақ. Жеңген жағдайда табысы тағы 100 мың долларға артады.
Гэрридің сыйақысы 150 мың доллар болады, оған да жеңіс үшін 100 мың доллар қарастырылған.
Ең көп сыйақыны - 750 мың долларды кештің басты айқасына шығатын бразилиялық Алешандре Пантожа алса, ал жапон Кай Асакура 500 мың долларға ие болмақ.