Бір топ адам ең сұлу волейболшы Сабина Алтынбекованың үстінен полицияға арыз жазды
Полиция болса сотқа шағымдану перегін айтып отыр
Қазақстандық волейболшы Сабина Алтынбекованың үстінен бірнеше адам Алматы полициясына арыз жазды деп хабарлайды Zakon.kz.
Өздерін жәбірленушіміз деген азаматтар Сабинаның онлайн-курсын сатып алған екен.
Шағымданушылар сатып алған курстың мүлдем сапасыз екенін, одан ешқандай тәлім алмағанын айтқан. Тәлімгерлік, көшбасшылық секілді қасиеттерді онлайн үйрене алмадық дейді олар.
Сабинаның курсына әрбір клиент 290 мың теңгеден төлеген. Кейбірі бұл ақшаны толық бере алмай, бөліп төлепті.
Полицейлер арыз түскенін растады. Алайда, олар шағымданушыларды сотқа баруға үгіттеген.
«Түркісіб аудандық полиция басқармасына арыз 6 қазанда келіп түсті. Қос тарап арасында келісімшарттың болуы себепті біз шағымданушыларға сотқа арыздануға кеңес бердік», - деді Алматы қалалық Полиция департаментінің өкілдері.