Америкалық атақты гимнаст Симона Байлз жылдың ең үздік спортшысы атанды
Ол – Олимпиада ойындарының жеті дүркін чемпионы
Америкалық белгілі «Sports Illustrated» журналының мәліметіне сәйкес, АҚШ гимнастшысы Симона Байлз 2024 жылдың «Жыл спортшысы» атанды.
Симона Байлз — спорттық гимнастикадан Олимпиада ойындарының жеті дүркін чемпионы. Атап айтсақ, ол Риода төрт алтын және бір күміс медаль иеленіп, Токиода бір күміс және бір қола медаль жеңіп алған. Ал Париж Олимпиадасында үш алтын, бір күміс және бір қола медальға қол жеткізген болатын.
Сонымен қатар, Симона Байлз әлем чемпионаттарында 23 алтын медаль, 4 күміс және 3 қола медальды қанжығасына байлаған. Оның бұл нәтижесі әлемдік гимнастика тарихындағы ең үздік көрсеткіштердің бірі саналып, Гиннестің рекордтар кітабына енген.
Симона Байлз спорттық гимнастикаға өзінің атымен аталатын бірнеше элементті енгізген спортшы. Оның ішінде ең танымалы — «Байлз» және «Байлз 2» деп аталатын акробатикалық жаттығулар.