Әйгілі америкалық балуан Кайл Снайдер Алматыға келмеуі мүмкін
Азамат Дәулетбековтің де америкалық қарсыласы келмейтіні анықталды
Ақпан айында Алматыда еркін күрестен PWL 8 турнирі өтетіні белгілі. Айтулы жарысқа америкалық Олимпиада чемпионы – даңқты балуан Кайл Снейдер келіп, қазақтан шыққан тұңғыш әлем чемпионы Ризабек Айтмұқанмен күресетіні айтылған еді. Алайда, бұл белдесу болмайтын секілді.
Белгілі болғандай, ақпан айының аяғында АҚШ-тың Айова штатытында PLO Wrestling турнирі өтеді. Алматыдағы PWL 8 турнирі де осы уақытқа жоспарланған. Сондықтан америкалық балуандар Қазақстанға келмеуі мүмкін.
PWL 8 аясында әлем үздіктерінің бірі саналатын Азамат Дәулетбеков пен америкалық Аарон Брукстың белдесуі де болатыны хабарланған. Енді Брукстың АҚШ-та отандасым Валенсия Захидпен күресетінін белгілі болды.
Сондай-ақ, Қазақстанға 2024 жылғы әлем чемпионы – жапонның жас жұлдызы Оно Масанасуке келеді деп күтілген. Ол да Plo Wrestling турниріне қатысатын болды. Оно Париж Олимпиадасының күміс жүлдегері америкалық Спенсер Лимен күреспекші.
АҚШ-та Plo Wrestling турнирі Алматыда өтетін PWL 8 турнирімен бір уақытта өтетіні кездейсоқ емес екені айтылуда. PWL 8 – ресейліктердің жобасы, Plo Wrestling – америкалықтарға тиесілі. Күрес мамандары бұл жерде үлкен саясат жүріп жатыр деп есептейді.