Туниске Олимпиада алтынын әперген Есбол Сұлтанов ұлттық құрамаға бас бапкер болды
Белгілі маманның шәкірттері былтыр Францияда алтын алған
Таеквондадан Париж Олимпиадасында тунистік шәкірті чемпион атанған қазақстандық бапкер Есбол Сұлтановқа ұлттық құрамадан жаңа қызмет бұйырды.
Белгілі маман былтыр Франция астанасында өткен ойындарда Тунис құрамасының бас бапкері ретінде барып, екі жүлде алуға үлес қосқан еді. Ол баптаған спортшылар 1 алтын және 1 қола медаль иеленген.
Кейін елімізде білікті маманды Қазақстанға шақырып, оған жаңа қызмет беру туралы түрлі ұсыныстар айтылған еді. Бұған дейін министрлікті басқарған Ермек Маржықбаев та оның мәселесін бір жиында айтқан болатын.
Ендігі жерде оның ҚР таеквонда ұлттық құрамасына бас бапкер болғаны ресми түрде жария болды. Қазақстандық бапкер Туниске дейін елімізде бапкерлік қызмет атқарған. Ендігі жерде ол алдағы олимпиадалық циклда отандық жекпе-жек шеберлерін 2028 жылға дайындамақ.