Өзбекстан араға 26 жыл салып қысқы Азия ойындарында алтын алды
12.02.2025, 22:49
Оның өзін Ресейден келген легионерлер жеңіп алған
olympics.com
Қытайдың Харбин қаласында өтіп жатқан IX қысқы Азия ойындарында Өзбекстан спортшылары тарихи алтынын жеңіп алды.
Ресейден ауысқан Екатерина Гейниш пен Дмитрий Чигирев мәнерлеп сырғанаудан жұптық сайыста топ жарды. Олар 176.43 ұпай жинап, Солтүстік Корея мен Жапониядан келген қарсыластарын басып озды. Қос спортшы 2024 жылы Ресейден Өзбекстан сапына ауысқан болатын.
Айта кетейік, Өзбекстан соңғы рет қысқы Азия ойындарында 1999 жылы алтын алған. Ол кезде де мәнерлеп сырғанаудан Татьяна Малинина чемпион болған еді.