Айсұлу Тыныбекова Азия чемпионаттарында ең көп жүлде алған спортшы атанды
Ол наурыз айында өтетін құрлық біріншілігіне қатыспайды
Қырғыздың балуан қызы Айсұлу Тыныбекова күрес тарихында Азия чемпионаттарындағы ең көп жүлдеге ие болған әйел спортшы ретінде тарихқа енді. Оның еншісінде 6 алтын, 3 күміс және 2 қола медаль бар.
Қырғыз балуаны – халықаралық аренада ең тұрақты және мықты спортшылардың бірі. Ол қырғыз әйелдер күрес мектебінің жоғары деңгейін дәлелдеп, ел спортында ерекше орынға ие болған.
Тыныбекова 25-30 наурыз күндері Иорданияда өтетін Азия чемпионатына қатыспайды. Ол Париж Олимпиадасынан кейін қайта бозкілемге шықпады.
Спортшы Токио және Париж олимпиадаларында күміс және қола медаль иеленген болатын. Сонымен қатар, ол әлем біріншіліктерінің үш дүркін чемпионы атанған. 1993 жылы туған балуан 2012 жылдан бері Олимпиада ойындарына 4 рет қатысты. Лондон ол іріктеу кезеңдерінде сүрінсе, Рио Олимпиадасында бесінші орынға тұрақтады.
Париж Олимпиадасынан кейін балуан өз елінде күрес федерациясының лауазымды қызметке бекітілді. Сондай-ақ, Тыныбекова тұрмысқа шығып, көпшілік назарын өзіне аударды.