Қазақстан құрамасы Азия чемпионатында қола жүлде үшін күреседі
Ұлттық құрама Қырғызстан командасынан 2:4 есебімен басым түсті
Таиландта дзюдодан өтіп жатқан командалық сында Қазақстан құрамасы қола жүлде үшін күресетін болды.
Отандық татами шеберлері алғашқы айналымда Моңғолия балуандарынан 4:0 есебімен жеңіліп қалды. Татамиге шыққан Ақерке Рамазанова (+70 кг), Еламан Ерғалиев (+90 кг), Дана Әбдірова (-57 кг), Бақытжан Әбдірахманов (-73 кг) есе жіберіп, жартылай финалға өте алмады.
Бангкоктағы доданың жұбаныш белдесуінде ұлттық құрама Қырғызстан командасынан 2:4 есебімен басым түсті. Енді Қазақстан құрамасы Азия чемпионатының қола жүлдесі үшін Оңтүстік Корея құрамасымен кездеседі.
Қырғыз балуандарымен белдесу 1:2 есебімен басталды. Ал Дана Әбдірова (-57 кг) мен Мейірлан Максим (-90 кг) жеңіске жетіп, нәтижені 2:4-ке жеткізді.
Командалық сында финалға А тобында күрескен Жапония құрамасы жолдама алды. Енді күншығыс елінің балуандары Өзбекстан құрамасымен сынға түседі.