Әлішер Ерғали Қазақстан кубогында жаңа салмақта күресіп жатыр

Астанада күрес түрлерінен өтіп жатқан Қазақстан кубогында алғашқы финалистер анықталды. Жарыстың алғашқы күнінде еркін күрестен 57, 65, 86, 97 және 125 келі салмақ дәрежелері бойынша іріктеу кезеңі мен жартылай финалдық белдесулер өткен болатын.

Аталған турнирде еркін күрестен 97 келіде екі Олимпиадаға қатысқан Әлішер Ерғали жаңа салмақта сынға түсті. Ол 125 келіге ауысып, өзінің басты қарсыласы Юсуп Батырмырзаевты жеңіп алды. Сондай-ақ, ресейлік легионер Начын Куулар 65 келіде финалға жолдама алып отыр.

Жартылай финал нәтижелері төмендегідей:

57 кг:

• Әділет Әлмұхамедов (Жамбыл облысы) – Рахат Қалжан (Жамбыл облысы) – 3:2
• Абзал Өкенов (Астана қ.) – Дәурен Әмірхан (Батыс Қазақстан облысы) – 6:1

65 келі

• Мейрамбек Қартай (Ақтөбе облысы) – Бекзат Сыбанбай (Шығыс Қазақстан облысы) – 11:1
• Начын Куулар (Шымкент қ.) – Әділхан Албайұлы (Ақтөбе облысы) – 14:3

86 келі

• Нұржан Исағалиев (Батыс Қазақстан облысы) – Мұханбет Мәмбетов (Маңғыстау облысы) – 13:0
• Болат Сақаев (Атырау облысы) – Бибарыс Нұрыллаұлы (Ақтөбе облысы) – 4:2

97 келі

• Бекзат Үркімбай (Астана қ.) – Нұрдәулет Бекенов (Шығыс Қазақстан облысы) – 3:2
• Рустам Экажев (Астана қ.) – Әкежан Айтбеков (Жетісу облысы) – 4:0

125 келі

• Нұрсұлтан Азов (Ақмола облысы) – Омархан Надиров (Астана қ.) – 12:1
• Әлішер Ерғали (Жамбыл облысы) – Әлихан Құсайынов (Қарағанды облысы) – 11:0

Айта кететін жайт, Қазақстан кубогында әлем чемпиондары Нұрқожа Қайпанов пен Ризабек Айтмұқан күреспейді. Аталған жарыс 29 мамырға дейін жалғасатын болады.