Ольга Рыпакованың қызы Қазақстан намысын қорғайды

Германияда 16-27 шілде аралығында өтетін жазғы Универсиадаға қатысатын қазақстандық жеңіл атлеттер құрамасы белгілі болды. Құрамада Ольга Рыпакованың қызы Анастасия Рыпакова да бар. 

Қазақстан атынан Универсиадаға келесі атлеттер қатысады:

• Кристина Ермола (Павлодар облысы) – 100 м және 100 м кедергілер арқылы жүгіру;

• Александра Залюбовская (Павлодар облысы) – 200 және 400 м жүгіру;

• Елизавета Матвеева (ШҚО) – биіктікке секіру;

• Кристина Овчинникова (Қарағанды облысы) – биіктікке секіру;

• Анастасия Рыпакова (ШҚО) – ұзындыққа секіру;

• Ясмина Тоқсанбаева (Алматы) – 20 шақырымдық спорттық жүріс;

• Алина Чистякова (Қарағанды облысы) – жеті сайыс;

• Зелимхан Насыров (Ақмола облысы) – ұзындыққа секіру;

• Максим Фроловский (Алматы) – 1500 және 5000 м жүгіру.

Жеңіл атлетика жарыстары 21-27 шілде күндері Бохум қаласында өтеді. Бапкерлер құрамы – Людмила Пешко, Александр Степанковский және Сергей Тулапин.

Айта кетейік, Анастасия – атақты жеңіл атлет, қазіргі таңда Қазақстан Жеңіл атлетика федерациясының президенті Ольга Рыпакованың қызы.