Ресейден келген легионер балуан Қазақстан атынан күресіп жеңіліп қалды

Хорватия астанасы Загребте өтіп жатқан күрес түрлерінен әлем чемпионатында Қазақстан құрамасының өкілі Виктория Хусаинова жарысты аяқтады.

59 келі салмақ дәрежесінде бақ сынаған қазақстандық спортшы 1/8 финалда моңғол балуаны Алтжин Тогтохқа жол берген еді. Кейіннен Тогтох жартылай финалда жапон спортшысы Сакура Онишиден 0:6 есебімен жеңіліп қалды. Осыған байланысты Хусаинова жұбаныш белдесуіне қатысу мүмкіндігінен айырылды.

Виктория Хусаинова — Ресей күрес мектебінің түлегі. Ол былтыр азаматтығын өзгертіп, Қазақстан атынан халықаралық жарыстарға қатыса бастады. Ресейдің Кузбасс аймағында дүниеге келген.