Әлем чемпионы Нұрқожа Қайпанов қызды болды
Нұрқожа Қайпанов пен Марина Седнева 2020 жылдың соңында шаңырақ көтерген
Еркін күрестен әлемнің үздік балуандары қатарында жүрген, Загребте өткен әлем чемпионатының қола жүлдегері Нұрқожа Қайпанов қызды болды.
Белгілі спортшының жары, әйелдер күресінен Қазақстан құрамасының мүшесі Марина Седнева-Қайпанова кеше екінші қызын дүниеге әкелді. Қуанышты хабарды әлеуметтік желі арқылы жақындары бөлісіп, отбасын шын жүректен құттықтады.
Нұрқожа Қайпанов пен Марина Седнева 2020 жылдың соңында шаңырақ көтерген. Екеуі де – ел намысын халықаралық аренада абыроймен қорғап жүрген спортшылар.
Айта кетейік, Қайпанов жуырда ғана, 13–21 қыркүйек аралығында Хорватия астанасында өткен әлем чемпионатында қола медаль жеңіп алды. Бұл – оның әлем біріншілігіндегі үшінші жүлдесі. Бұған дейін ол 2019 жылы Астанада өткен додада күміс медаль иеленсе, 2023 жылы Тиранада 70 келі салмақ дәрежесінде топ жарған болатын.