Ризабек Айтмұқан мен Нұрқожа Қайпанов Ислам ойындарына қатысатын болды

Әлемдік күрестің жұлдыздары Ризабек Айтмұхан мен Нұрқожа Қайпанов Исламиадада Қазақстан намысын қорғайды.
7-21 қараша аралығында Сауд Арабиясының Эр-Рияд қаласында өтетін Ислам ынтымақтастық ойындарында Қазақстан құрамасын кімдер таныстыратыны белгілі болды.

Жарыстың ресми сайтында жарияланған мәліметке сәйкес, ұлттық құрама сапында төмендегі балуандар өнер көрсетеді:

Грек-рим күресі

• Ислам Евлоев – 87 кг

Еркін күрес

• Нұрқожа Қайпанов  –  70 немесе 74 кг
• Ризабек Айтмұхан  –  97 кг

Әйелдер күресі

• Зейнеп Баянова  –  53 кг
• Ирина Казюлина  –  68 кг
• Эльмира Сыздыкова  –  76 кг

Айта кетейік, Ризабек Айтмұхан мен Нұрқожа Қайпанов  –  әлемдік аренада өзін дәлелдеген мықтылар. Айтмұхан — әлем чемпионатының жүлдегері және әлем чемпионы титулын жеңіп алған жас жұлдыз, ал Қайпанов  –  әлем чемпионатының финалисі әрі тәжірибелі палуан.