Australian Open: Новак Джокович 11-рет финалға шықты
Ол Алькарасты жеңеді.
Әлемнің төртінші ракеткасы Новак Джокович Australian Open турнирінің жартылай финалында италиялық Янник Синнерді жеңіп, финалға жолдама алды. Төрт сағат сегіз минутқа созылған айқаста серб теннисшісі 3:6, 6:3, 4:6, 6:4, 6:4 есебімен басым түсті.
Бұл кездесу тартысқа толы болды: бастапқыда Синнер басымдық танытқанымен, Джокович тәжірибесі мен төзімділігінің арқасында матч тағдырын өз пайдасына шеше білді.
Қос теннисшінің өзара кездесулеріндегі жалпы есеп қазір 6:5 - Синнердің пайдасында.
Новак Джокович Аустралия ашық чемпионатында 11-рет финалға шығып отыр. Ол бұл турнирді бұған дейін он мәрте жеңіп алған. Жалпы мансабында «Үлкен дулыға» жарыстарындағы 38-финалына жолдама алып, өзіне тиесілі рекордын тағы жаңартты.
«Үлкен дулыға» турнирінің 24 дүркін чемпионы үшін бұл - 2024 жылғы Уимблдоннан бергі алғашқы «Дулығадағы» финалы.
Джокович финалда испаниялық Карлос Алькараспен кездеседі. Бұл екеуара оныншы матчы болмақ. Қазіргі таңда жеке кездесулер есебі - 5:4, серб теннисшісі алда тұр. Ал «Үлкен дулыға» турнирлері аясындағы өзара есепте Алькарас алда - 3:2. Дегенмен хард төсеніште Джоковичтің көрсеткіші жоғары - 3:1.
Финал жексенбі күні өтеді.